BUTUAN CITY – Gipadayag ni Senate President Vicente “Tito” Sotto III nga andam siya mosuporta sa plano nga bag-uhon ang 1987 Constitution pinaagi sa charter change kung kinahanglan, human sa desisyon sa Supreme Court niadtong Enero 29 nga nag-deny with finality sa motion for reconsideration sa House of Representatives bahin sa una nilang desisyon nga nagdeklara nga unconstitutional ang articles of impeachment nga gi-refer ngadto sa Senado batok kang Vice President Sara Duterte.
Sumala ni Sotto, kinahanglan nga magtagbo ang liderato sa Senado ug Kamara aron hisgutan ang isyu.
Gibutyag niini nga daw gibag-o sa Korte Suprema ang proseso sa impeachment nga mas nahimong lisod karon.
Iyang gipasabot nga ang “option three” sa impeachment gihimo alang sa dali untang pagtangtang sa mga opisyal nga wala nagbuhat sa trabaho o nakaperwisyo sa nasud, apan karon mas gihimo matud pang komplikado.
Gidugang pa ni Sotto nga dili siya pabor sa Con-con o Constituent Assembly, apan kung mao na ang sitwasyon, andam siyang musuporta niini dayong klaro nga ang iyang posisyon dili personal nga atake batok kang Duterte kondili sa gihimo sa Korte Suprema dungan sa pagbutyagnga ang legislation trabaho sa Kongreso ug dili sa Supreme Court.
