BUTUAN CITY – Gipahibalo sa Spain nga hatagan nila og legal status ang 500,000 ka mga undocumented migrants aron mapugngan ang pagpahimulos sa mga trabahador ug makatabang sa ekonomiya.
Sumala sa immigration minister, makasaysayanon kini nga lakang ug nagbase sa tawhanong katungod ug kalamboan sa nasod.
Kwalipikado ang mga langyaw nga mi-abot sa Spain sa wala pa ang Disyembre 31, 2025, nagpuyo didto sulod og lima ka bulan, ug walay criminal record.
Hatagan sila og hangtod usa ka tuig nga residency ug work permit, kansa balido sa tanang sektor ug lugar.
Abli ang aplikasyon Abril 1 hangtod Hunyo 30 ning tuiga. Nasayrang gibana-bana nga anaa sa 840,000 ka mga undocumented migrants sa Spain sa sayong bahin sa 2025, kasagaran gikan sa Latin America.
