BUTUAN CITY- Gipahibalo ni United State President Donald Trump atol sa pagbisita niini sa Davos, Switzerland kaganiha oras sa maong nasud, nga gusto niini ang dali-an nga negosasyon aron makuha ang Greenland, apan gipasi-ugda ni Trump nga dili kini mogamit og kusog aron makab-ot kini.
Sa iyang halapad nga pagpamulong nga minglungtad og kapin usa ka oras, gikakurat sa mga world lider human kini kas-a nga naglibog tali sa Greenland ug Iceland, samtang gipasabot usab niya sa iyang mga pamahayag bahin sa pagtapos sa 8 wars, Chinese wind farms, ug inflation.
Sa pag-abot ni Trump sa Switzerland, gipadayag ni United Kingdom Prime Minister Keir Starmer sa mga Members of Parliament sa London nga dili kini “magpadala” sa pressure gikan sa presidente sa US bahin sa Greenland.
Kahinumduman nga si Trump kaniadto minghulga sa pagpahamtang og 10% tariff sa mga produkto gikan sa walo ka nasud sa Europa nga mosupak sa iyang plano sa pag-angkon sa Danish territory.
