BUTUAN CITY – Gikumpirma ni Ensign Roy Christopher Orillaneda, commander sa Coast Guard Station Surigao del Norte nga nadugangan pa ang ihap sa mga pasahero, rolling cargoes ug mga watercrafts nga na-stranded sa mga pantalan sa Surigao City tungod sa bagyong Ada.
Sa eksklusibong pakigbinabi sa Bombo Radyo Butuan, gipadayag niining as of alas-sais kaganinang buntag, kapin na sa 800 ka mga pasahero gikan sa Lipata Port ug sa Eva Macapagal Port ang stranded gawas pa sa kapin 300 usab ka mga rolling cargoes ug mga watercrafts.
Wala matud pa’y angayang kabalak-an tungod kay nagtinabangay ang ilang ahensya uban sa lokal nga kagamhanan sa maong siyudad pinaagi City Social Welfare and Development sa pag-atiman sa mga pasahero ug mga drivers sa natanggong usab nga mga rolling cargoes ug mga watercrafts.
