BUTUAN CITY – Magpatuman si United States President Donald Trump og 25% nga taripa sa mga produkto gikan sa mga nasud nga aduna’y komersyal nga relasyon sa Iran.
Samtang gibutyag sa mga rights groups nga kapin sa 600 ka mga protesters ang napatay sulod sa tulo ka semana na nga anti-government rallies ug sigon sa foreign minister sa Iran, bukas sila sa negosasyon tali sa Washington apan andam gihapon sa gubat.
Ang national security team ni Trump gila-uman nga magtigum sa White House aron hisgutan ang kusog nga opsyon aron maka-intervene kung mas daghan pa ang mamatay nga protesters.
Nakig-istorya na usab kaniya ang ilang lider nga si Ayatollah Ali-Khamenei alang sa negosasyon, apan posible nga ang US muhimo na og mga lakang bisan wala pa ang miting.
Ang krisis sa Iran misamot tungod sa pag-collapse sa currency ug kahuyang sa ekonomiya, nga naghatod sa taas nga presyo sa pagkaon hangtod 70%.
Ang bag-ong taripa, mahimong mupasamot sa kakulang sa gastuhon.
