BUTUAN CITY – Personal nga midangop ning sibyahan ang usa ka ginikanan ug Grade 8 homeroom PTA Treasurer sa Banza National High School nga si Mich Baran aron ipa-Bombo ang homeroom project nga niadto pang Agosto tuig 2025 nasabutang ipatuman apan hangtod karon wala gihapon matuman bisan humana kini gibayaran.
Sigon ni Baran, nga atol sa homeroom parents-teachers association kon PTA Meeting, napili si Louie Oliver Nabasa isip classroom phomeresident ug gisugyot niini nga imbes divan kansa unang hangyo sa adviser nga maoy himuong PTA Project, magpalit na lang sila og orbit fan diin matag-estudyante mag-amot og ₱100 samtang siya na ang mosalo sa gasto sa divan.
Gani, nakakolekta na og ₱2,500 gikan sa 25 sa 34 ka estudyante ug dugang ₱1,000 nga na na-solicit ni Louie sa Sangguniang Kabataan sa maong barangay diin aduna nay kinatibuk-ang ₱3,500 nga natigom alang sa maong project.
Gibutyag usab ni Baran, nga ang maong kantidad unang gi-remit sa adviser ug gihatag usab ni Louie ang ₱1,000 nga donasyon, kondiin siya mismo ang nagdesisyon nga siya na ang mopalit sa giplanong orbit fan.
Hinuon, gipamatud-an matud pa kini pinaagi sa pagpirma sa dokumento nga gihimo sa Adviser diin si Mich Baran isip usa ka state witness ka-uban kang Louie, kansa nagpasabot nga klarong nadawat na sa Presidente ang tibuok kantidad nga ₱3,500.
Dugang pa sa reklamante, dihang nadawat na ni Nabasa ang ₱3,500 niadtong Agosto 2025, wala kini makapalit ug gipa-agi na lang sa mga alibi ug pasalig hangtod nga dili na siya makontak bisan sa Facebook tungod kay na-hack matud pa ang iyang account.
Sumala ni Mich, adunay usa ka higayon nga mikontak kini pinaagi sa bag-ong account, mipasi-atab nga daw na-late tungod nagkinahanglan matud pa og perma sa barangay.
Gani ming-abot nalang ang bag-ong tuig, inay wala gihapoy Orbit Fan nga ming-tumaw. Tungod niini, ang mga Homeroom PTA Officers ingon man nga ginikanan mipasaka na og reklamo batok kang Louie sa Barangay Mahogany diin kini nagpuyo. Mipasalig pag-usab si Nabasa nga ang kani-adto freebie nga water dispenser, nahulipan na og duha ka Orbit fan kansa ma-deliver matud pa sa Nobyembre, apan hangtod karon wala gihapon matuman.
