BUTUAN CITY – Personal nga gi-imbitar ni Presidente Ferdinand Marcos Jr. ang America’s Got Talent 2025 winner nga si Jessica Sanchez aron mag-perform sa Association of Southeast Asian Nations (ASEAN) Summit nga i-host sa Pilipinas sunod tuig.
Nahitabo kini human nag-courtesy call si Sanchez sa Malacañang, diin personal siyang nakigkita sa presidente ug kang First Lady Liza Marcos.
Nagbinuang pa ang presidente nga kung mahimo, siya na lang daw matud pa ang mahimong manager ni Sanchez, ug misugyot usab nga ang First Lady ang mahimong tourist guide aron ipakita ang mga nindot nga lugar sa Pilipinas.
Sobra ang kalipay sa 30-anyos nga si Sanchez human siya personal nga gipili sa presidente dayong butyag nga pangandaman niya og maayo ang maong kalihukan.
