BUTUAN CITY – Gisanong sa Korte Suprema 1st Division ang apela ni kanhi Butuan City Mayor Ferdinand Amante Jr. batuk desisyon ug resolusyon sa Sandiganbayan nga nag-uphold c sa iyang pagkakonbikto sa kasong graft nga gipasaka sa Ombudsman kalabot sa iregular matud pa nga pagpalit ug pag-install sa usa ka CT scan machine sa may Butuan Medical Center kon BMC.
Ang maong ospital nahimong recipient sa usa ka medical relief assistance program sa World Medical Relief, Inc kon WMRI, usa ka non-profit charitable organization nga mag-facilitate sa distribusyon sa mga surplus medical sources kansa nakabase sa Detroit, Michigan.
Madumdumang gi-convict sa Sandiganbayan ang kanhi mayor tungod sa P15-milyon nga gasto sa Butuan City government taliwa nga gidonar lang ang CT scan machine kansa kalapasan matud pa sa anti-graft laws.
Tungod niini, nagduso si Amante og ‘notice to appeal’ ngadto sa Korte Suprema ug sa gihimong subsob nga pakisusi, nasutang kulang sa ebidensya ang Sandiganbayan nga nagpakita sa iyang criminal liability.
Gawas pa, nakita usab sa Korte Suprema nga ang transaksiyon wala makapakita og criminal intent o personal nga benepisyo alang sa kanhi mayor rason nga gibasura sa first division ang desisyon sa Sandiganbayan ug gi-acquit si Amante.
