BUTUAN CITY – Gipasakaan na og kasong rape with homicide ang usa ka 72-anyos nga lolo nga gidudahang maoy milugos-patay sa iyang 7-anyos nga apo didto sa Lambunao, Iloilo.
Sigon ni PCapt Winston Biadog, gikan sa pito ka mga persons of interests sa kremin, ang ilang nakuhang mga testigo ug mga circumstantial evidence, nagtumbok ngadto sa kaugalingong apuhan sa biktima nga gi-ila sa dagnay nga ‘Buloy.’
Ila na lang usab nga gihulat ang resulta sa swab test nga idugang na lang unya nila sa mga nahipos nga ebidensya batuk sa suspetsado.
Madumdumang napalgan na lang ang biktima sulod sa ilang pansayan nga gisulod sa sako ug wala na’y kinabuhi, duna’y hikot sa li-og, hubo ang underwear ug nakumpirmang gilugos kondiin mismong ang inahan sa bata ang mipasaka og kaso.
