BUTUAN CITY – Gila-uman nga mosaka pa ang kinatibuk-ang utang sa Pilipinas ngadto sa ₱21.48 trilyones pag-abot sa katapusan sa tuig 2027, base sa mga dokumento sa Budget and Expenditures and Sources of Financing kondiin mas taas kini kumpara sa giplanong lebel sa utang nga ₱19.76 trilyon para sa 2026.
Sa pagkakaron, mi-abot na sa ₱19.065 trilyon ang utang sa national government sa katapusan sa Hunyo ning tuiga kondiin mas taas kini og ₱518.98 bilyon kumpara sa ₱18.546 trilyon niadtong Mayo, ug ₱17.267 trilyon niadtong Hunyo 2025.
Tungod niini, ug uban sa hinay nga pagtubo sa ekonomiya nga 2.3% sa unang tungang bahin ning tuiga, misaka ngadto sa 66% sa gross domestic product (GDP) ang debt-to-GDP ratio sa nasod.
Kini na ang pinakataas nga lebel sa utang kumpara sa GDP sulod sa 22 ka tuig, sukad pa sa 71.6% niadtong 2004..
