BUTUAN CITY – Gipasidunggan sa Philippine Chamber of Commerce and Industry kon PCCI, si Dr Rogelio Florete, ang chairman sa Florete Group of Companies isip usa sa 2025 Captains of the Industry.
Atol kini sa seremonyang gipahigayon sa Iloilo Convention Center dungan sa pagsa-ulog sa PCCI sa ika-120 ka tuig na nga kalihukan sa Iloilo Chamber’s Movement.
Lakip si Dr Florete sa 20 ka mga Ilonggo entrepreneurs nga gi-ila tungod sa iyang kontribusyon sa industriya sa media ug sa pagpalambo niini dili lang sa Iloilo kondili apil na sa tibuok nasud nga naghatag og trabaho sa mga Pilipino.
Sigon ni PCCI Iloilo chapter President Engr Filbert Woo, usa si Dr Florete sa mga business leaders ug founders nga duna’y gihuptang dakong papel sa pagbukas og mga economic opportunities ingon man sa paghatag og substantial ug quality employment.
Ang maong pag-ila, pamatuod sa ilang pag-ila sa dedikasyon nila sa tagsa-tagsa ka industriya ingon man sa promosyon sa positive values sa komunidad ug sa nasud.
