BUTUAN CITY – Padayon ang pag-viral karon ni Christ Penelope – usa ka pastor sa Sevenfold Holy Spirit Ministries sa Limpopo, South Africa tungod sa iyang katingalahang paagi sa pag-ayo sa mga masakiton niyang sakop ug kini gamitan niya sa iyang utot!
Nasayrang ang mga membro sa iyang simbahan nga magpatambal, iyang pahigdaon sa salog aron iyang mapungku-an ang ulo kondiin usahay lingkuran pa ug didto itunong ang iyang utot nga makapalayas usab matud pa sa mga dautang espiritu.
Ang uban sa iyang mga sakop, isawod pa ang utot sa pastor diha sa ilang sudlanan aron ila matud pang malanghab higayong duna sila’y balatian.
Ang iyang gihimo dili suportado sa Christian community tungod sa kawala niini basehang medikal rason nga daghan na ang mga memes nga mitumaw karon sa social media tungod sa ka kontrobersiya sa iyang ritwal nga nakapukaw ug daghang diskusyon sa South Africa ug sa tibuok kalibutan.
