BUTUAN CITY – Nakontrola na ang dakong sunog nga mi-ulbo sa Tai Po district sa Hong Kong ning miaging adlawa.
Sumala ni Bombo international correspondent Tina Bianca Catian direkta gikan sa Hong Kong, sa iyang latest monitoring, duna’y duha ka mga Indonesian nationals ang namatay ug laing duha usab ang na-angol.
Usa matud pa ka karaan nga public housing estate nga kasagaran gipuy-an sa mga tigulang ang nasunog kansa gi-renovate ug gila-uman nga mahuman unta sunod tuig 2026.
Padayon gihapon ang paghatag og hinabang sa Hong Kong Government lakip na ang pag-raise og pondo nga nagkantidad og 300 milyon Hong Kong dollars isip tabang sa tanan nga na apektuhan.
Sa pagkutlo niini nga balita, tulo ka mga tawo na ang nadakpan ug gipriso human gitu-uhang duna’y kalabotan sa maong insidente.
Dugang matud pa’y usa ka Pilipina nga na-trap sa maong building ug naka-post pa sa social media bitbit ang 3-anyos niyang alaga, hinungdan nga dali ra kining naluwas sa mga rescuers.
