BUTUAN CITY – Human ang usa ka tuig nga pagpakasal sa Brazilian influencer nga si Suellen Carey sa iyang kaugalingon pinaagi sa sologamy ceremony, nakig-divorce na usab kini sa iyang kaugalingon human gibati og kakapoy.
Nasayrang mibalhin og puyo sa London si Carey niadtong tuig 2021 ug tungod sa sunod-sunod nga palpak nga pakigrelasyon sa mga lalaki, nakahukom kining magpakasal sa iyang kaugalingon isip simbolo sa self-love ug independence alang usab sa iyang personal growth.
Pinaagi matud pa sa sologamy, matabangan ang emotional healing kay nag-focus kini sa self-acceptance ug personal affirmation.
Apan dihang mipa-ilalom sa napulo ka therapy session ug usa ka tuig nga self-marriage, iyang nabati nga lisod diay mahimong “perfect partner” ang kaugalingon tungod sa sobra nga internal pressure nga miresulta sa sa iyang kasubo ug emotional fatigue.
Dinhi na nakahukom si Carey nga makig-divorce sa iyang kaugalingon ug karon, andam na usab ang iyang kasing-kasing nga mudawat sa laing tawo nga maghatag kaniya og kalipay.
