BUTUAN CITY – Gipadayag ni Ombudsman Jesus Crispin “Boying’ Remulla, nga posibleng sa sunod semana na makasuhan ang gma nalambigit sa flood control projects anomaly.
Nunot kini sa mga nadawat sa Office of the Ombudsman nga counter affidavit gikan sa respondents sa gisugdang preliminary investigation. Sigon ni Remulla, mas sayo kini kumpara sa gituohang target o initial date sa Ombudsman nga karun untang Nobyembre 25.
Samtang, gipadayag usab ni Ombudsman Remulla, nga ang gisubmiting referral niadtong Martes sa Independent Commission for Infrastructure, mu-agi pa sa fact finding sa ilang opisina aron masuta kung aduna bay tulobagon ang kanhi Secretary sa Department of Public Works and Highways nga si Manuel Bonoan.
Gipaboran usab kini sa pamahayag ni Independent Commission for Infrastructure Chairman Retired Judge Andress Reyes Jr., dayong butyag nga walay gahom ang komisyon aron muopasaka og reklamo.
