BUTUAN CITY – Miresulta sa dakong sunog ang pagkahagsa sa usa ka UPS cargo plane pipila pa lang ka gutlo human kini milupad gikan sa Louisville International Airport sa Kentucky, hapon sa Martes, Nobyembre 4, (local time).
Tulo ang kumpirmadong namatay samtang 11 pa ang angil sa insidente apan gikabalak-ang musaka pa kini.
Sumala sa cargo company sa US, adunay tulo pa ka mga crew members nga sakay sa maong cargo plane ang padayon pang gipangita.
Sigon sa Federal Aviation Administration, padulong unta sa Hawaii ang UPS Flight 2976 sa dihang nahitabo ang trahedya kondiin sakay kini ang 380,000 ka galon nga gasolina nga adunay gibug-aton nga 220,000-libras.
Samtang gibutyag ni Louisville Metro Police Department Chief Paul Humphery, nga wala pa’y klaro kung kanus-a mahimong luwas nga ipahigayon ang imbestigasyon sa crash site tungod kay adunay mga delikadong butang nga padayong nagsiga ug posible pang mobuto.
