BUTUAN CITY – Gikumpirma sa Natural Science Institute of Iceland ang pagkadiskobre sa tulo ka lamok nga Culiseta annulata, nga gituohang naka-abot sa nasud pinaagi sa kargamento kansa dakong panghitabo sa maong nasud ilabina nga sila na lang ang katapusan nga nasud sa kalibutan nga wala puy-i og lamok.
Karong semanaha, unang higayon sa kasaysayan sa Iceland nga natala ang presensya sa mga lamok sulod sa mao nasud.
Gikumpirma sa Natural Science Institute of Iceland ang pagkadiskobre sa tulo ka lamok kansa nakasugakod sa klima sa Iceland human ang unang report kabahin sa mga lamok nga nakit-an sulod sa eroplano sa Iceland.
Sigon sa institute, kini nga mga lamok mao lang ang usa sa daghang bag-ong species sa insekto nga nadiskobre sa Iceland sa mi-aging mga tuig tungod sa pag-init sa klima ug pagdako sa internasyonal nga transportasyon.
Sumala sa tigdumala sa mga insekto nga si Björn Hjaltason, iyang nakit-an ang mga lamok sa usa ka uma sa Kjós, sa amihanang bahin sa Reykjavík, sa sayong bahin ning bulana.
“Sa pagsalop sa adlaw niadtong Oktubre 16, nakabantay ko og usa ka lahi nga langaw nga nagtuyok sa usa ka red wine ribbon,” “Dali dayon ko nakasabot unsay nahitabo ug akong gikolekta ang langaw. Babae diay nga lamok.”
-Hjaltason, Icelandic broadcaster sa RUV
Nakakuha pa siya og duha pa ka lamok pagkahuman, ug gitugyan ang tulo ka lamok sa mga awtoridad alang sa pagsusi kondiin ang nakaplagan nga lamoj, gilangkuban duha ka baye ug usa ka laki.
Sa pagkakaron, ang Antarctica na lang ang bugtong teritoryo sa kalibutan nga walay lamok.
Tungod sa climate change, nagtaas ang temperatura sa tibuok kalibutan, ug ang Arctic region nag-init og labaw pa sa doble sa global average.
Sumala sa Natural Science Institute of Iceland, ang Culiseta annulata mao ang mga dako nga klase sa lamok nga makita sa Uropa ug uban pang Nordic nga nasud nga makasugakod sa bugnaw nga klima ug kasagarang magpuyo sa mga bodega ug basement.
Bisan pa man nga kini mangingkit, gibutyag sa institusyon nga wala kini nagdala og sakit sa mga maong lugar ug base sa usa ka pagtuon niadtong 2017, ang Culiseta annulata kasagaran gi-isip lang nga samok nga insekto, apan dili hulga tungod kay dili man kini makamatay.
Nasayrrang adunay kapin sa 3,000 ka klase sa lamok sa tibuok kalibutan, ug pipila niini makapasa sa grabe ug makamatay nga mga sakit sama sa malaria, dengue fever, ug West Nile virus.
