BUTUAN CITY – Patay samtang gitambalan ang 31-anyos nga lisensyadong babaye nga civil engineer, kinsa gika-ingong contractor nga nalambigit sa mga joint venture projects, human gipusil pasado alas-8:00 sa gabii.
Migawas sa inisyal nga imbestigasyon nga usa ka indibidwal nga sakay sa motorsiklo ang nakakita sa usa ka puti nga Mitsubishi L300, nga narehistro matud pa ngadto sa biktima, ang natagak sa canal sa usa ka barangay road padulong ngadto sa Sitio Nagmarkaan, Brgy San Marcelino, lungsod sa Dingras, Ilocos Norte.
Gitawagan gilayon sa nakakita ang kabanay sa biktima kinsa nagkadugo na tungod sa samad-pinusilan sa likod nga bahin sa iyang wala nga abaga.
Unang gidala ang biktima sa mga barangay officials ngadto sa Dingras District Hospital, ug gibalhin ngadto sa GRASMH sa Laoag City dayon ngadtop sa MMMH&MC sa Batac City apan wala gihapon maluwas.
Narekober sa crime scene ang lima ka basiyo sa kalibre .45 nga cartridges ug padayon pang gisuta ang motibo sa kremin.
