BUTUAN CITY – Hustisya ang singgit sa pamilya Asio human brutal nga gipatay ang 73-anyos nga padre-de-pamilya kagahapon sa buntag dapit sa gate sa ilang pinuy-anan sa Purok 6, Brgy Cabcabon ning siyudad sa Butuan.
Ang biktimang si Rolando Guime Asio, nakit-an na lang sa iyang asawa nga nagkulob na sa yuta tapad sa iyang bike rason nga wala makita ang na-angkon niining salad-tinigbasan.
Gitu-uhan sa asawa nga ang dugo nga nagbanaw, tungod sa iyang pagsuka ilabina nga duna kini history sa ulcer ug dihang mi-abot na ang miresponding mga pulis, dinhi na nakita ang samad sa iyang li-og ug posible pang gibunalan ang iyang ulo og gahi nga butang tungod sa pagkahupyak niini.
Nagtuo ang pamilya sa biktima nga mga residente ra sa maong dapit ang mihimo niini human nga pila ka higayon na kining mireklaml tungod sa kanunay nga pagkawat sa ilang mga lubi.
