-- ADVERTISEMENT --
BUTUAN CITY – Tingkagol sa karsel sa Butuan City Police Station 2 ang duha ka mga street level individuals human nasapong namaligya sa ginadiling droga sa may P7 Brgy Limaha ning dakbayan sa Butuan atol sa gilusad nga drug buy-bust operation.
Na-ila ang mga suspek nga sila alyas Dodo, 19 anyos, ulitawo, wala’y trabaho, residente sa maong barangay ug si alyas Dante,31-anyos, ulitawo , kanhi driver sa ahensya sa gobyerno ug residente sa Brgy babag ning dakbayan.
Nakuha gikan sa ilang posisyon ang 5 ka gramo nga suspected shabu nga nagkantidad og ₱34,000.00 ug ₱500 nga buy-bust money human napalitan sa poseur buyer hinungdan sa ilang pagsikop.
