-- ADVERTISEMENT --
BUTUAN CITY – Mikampyon ang Australia sa 2025 FIBA Asia Cup human niini gipildi ang China sa score nga 90-89.
Madumdumang labaw ang China og 14-puntos sa ilang dula sa Jeddah, Kingdom of Saudi Arabia apan nagukod kini sa Australia kondiin natabla nila kini sa second quarter sa score nga 40-40 sa apan naka-abante gihapon ang China sa iskor nga 46-42 sa pagtapos sa first half.
Nanguna sa kada-ugan sa Australia si Xavier Cooks nga duna’y 30 points ug siyam ka rebounds.
Kini ang pinakaduol nga puntos nga nagkampyon ang Australia tungod kay niadtong 2022 finals, giparot nila ang Lebanon sa score nga 75-73 sa dula nila sa Jakarta, Indonesia.
