BUTUAN CITY – Mibisita kaganinang buntag sa haya ni late Patrolman Ferry Sida Jaso – membro sa Criminal Investigation and Detection Group kon CIDG Regional Field Unit-Dinagat Island si Philippine National Police Chief, Police General Nicolar Torre III.
Didto kini sa pinuy-anan sa maong pulis sa Barangay San Francisco, Mainit, Surigao del Norte aron personal nga muhatag sa iyang respeto ug pahasubo ngadto sa na-ilo niining pamilya.
Uban niya nga mibisita si PNP Chief Spokesperson Police Brigadier General Jean Fajardo, PBGEN Christopher Abrahano – kanhi Regional Director sa Police Regional Office 13 ug karon bag-ong CIDG Director, apil na ang mga membro sa PRO-13 Command Group pagpanguna sa bag-ong natudlong Regional Director nga si PBGEN Marcial Mariano Magistrado IV.
Ang pagbisita timaan lang sa pagpakita sa mga opisyal sa ilang wala’y paglubad nga suporta dili lang ngadto sa ilang mga personahe ukondili apil na sa ilang gibiyaang pamilya.
