BUTUAN CITY – Dili matukib ni Kathleen Urbiztondo ang gibating kalipay nga wala damhang naka-apil siya sa mga pasaherong sakay sa gipahigayong ‘Agusan River Cruise’.
Sa pakighinabi sa Bombo Radyo Butuan, gibutyag niini nga igo lang silang nagbaktas-baktas sa iyang inahan dihang nagkita sila sa ka-ila sa iyang inahan rason nga naka-apil sila sa cruise.
Excited matud pa sila nga masinati ang paagi sa panginabuhian sa mga karaang Butuanon ilabina sa pagpangisda.
Dili matud pa mabayran ang kasinatian ilabina nga educational kini human gipasabot sa mga organizers ang matag-landmark nga ilang nalabyan. Ila usab nga nasaksihan sa ilang pag-river cruise ang gi-showcase sa mga local folk dancers.
Tungod sa nindot nga kasinatian, nanghinaut si Urbiztondo nga mahimo na kining regular nga kalihukan ning siyudad.
