BUTUAN CITY – Midaug pinaagi sa majority decision si Filipino boxer Jerwin Ancajas batok sa Uruguayan nga si Ruben Casero sa iyang comeback fight nga gipahigayon sa Thunder Studios sa Long Beach, California kagahapon, Dominggo.
Duha ka hurado ang naghatag og score nga 80-72 pabor kang Ancajas samtang ang usa ka hurado nag-score og 76-76 draw. Pinaagi sa iyang impresisong mga jab ug panagsang counter sa 8-round nga super bantamweight nga away, ang 33-anyos nga si Ancajas mipa-uswag sa iyang rekord ngadto sa 37-ka daug, 4-ka pildi ug 2 ka draw uban sa 24 ka mga knockouts.
Ang “Pretty Boy” nga si Ancajas katapusang mi-away sa Estados Unidos niadtong Hunyo 2023, kondiin iyang gi-knockout ang Colombian nga si Wilner Soto sa ikalimang round sa usa ka non-title bout sa Minneapolis.
Si Casero, 32-anyos, duna na’y rekord nga 13-5 (daog-pildi) ug adunay 5 ka knockouts. Kaniadto nga super flyweight champion, napadayon ni Ancajas ang iyang winning streak ngadto sa tulo ka sunod-sunod nga kadaugan.
Human siya kapildi ni Takuma Inoue pinaagi sa technical knockout niadtong Pebrero 2024, nakabawi si Ancajas sa usa ka disqualification win batok kang Sukpasried Ponphitak niadtong Septembre sa susamang tuig.
Ang garbo sa Panabo City, Davao del Norte misunod og laing kadaugan pinaagi sa second round knockout batok sa kauban nga Pinoy nga si Richie Mepranum sa Ilagan City niadtong Enero.
