BUTUAN CITY – Unom ka tawo ang patay sa mass shooting sa Or Tor Kor Market sa Bangkok, Thailand kondiin apil sa mga napatay mao ang mga security guards.
Ang Or Tor Kor Market naila tungod sa gipamaligya nilang de-kalidad nga prutas ug seafood.
Nasayrang taas ang gun ownership sa Thailand kumpara sa ubang nasod sa rehiyon, ug dili kasagaran ang mass shooting, apan daghan ang grabe nga hitabo sa milabay’ng mga tuig.
Niadtong 2023, usa ka 14-anyos nga batang lalaki ang namusil ug nipatay og duha ka tawo ug mi-angol sa lain pang lima sulod sa usa ka mall sa sentrong bahin sa Bangkok.
Sa Oktubre 2022, usa ka kanhi pulis usab ang nipatay og 37 ka tawo, nga kadaghanan bata, gamit ang pusil ug kutsilyo sa usa ka childcare center sa Nong Bua Lamphu, sa amihanan-sidlakang sa Thailand.
Sa tuig 2020, usa ka sundalo ang nipatay og 29 ka tawo ug daghan pa ang nasamdan sa siyudad sa Nakhon Ratchasima.
