BUTUAN CITY – Gikumpirma ni kagawad Alheinxer Hermoso sa Brgy Pinamanculan ning siyudad sa Butuan nga gipasakitan adiser gilugos sa habal-habal driver nga si alyas John Paul nga taga-Brgy. 1, Buenavista, Agusan del Norte, ang 19-anyos niya nga pasaherong dalaga nga si alyas Inday.
Kini base na sa iyang gihimong pakighinabi niya sa biktima human kini gidangop kaniya sa usa sa ilang mga constituents nga maoy nakakita sa dalaga.
Sa eksklusibong sa Bombo Radyo Butuan, gibutyag sa barangay kagawad nga gikan ang dalaga sa Buenavista ka-uban ang iyang mga barkada kondiin nabiyaan siya human nakatulog. Dinhi na matud pa niya gipakyaw og 200-pisos ang gimanehuang motorsiklo sa suspek aron unta ihatud siya sa ilang pinuy-anan sa Brgy Pagatpatan.
Nakatulog matud pa si alyas Inday ug nakurat na lang siya dihang nabantayan niyang grabe na kangitngit ang palibot rason sa gamay nga komosyon resulta sa pagkahulog niya sa canal sa National Irrigation Administration. Gibira matud pa sa suspek ang iyang ulo ug gidala sa payag kondiin giti-unan siya ug kutsilyo ug didto na siya gipanamas-tamasan.
Samtang gipadayag usab ni Lita Nuñez-Pabon, residente sa Purok 1-A sa maong barangay nga naka-jacket na lang ang biktima dihang iyang nakita kondiin ang iyang mga underwear ug pantalon, anaa na sa semento sa canal.
Dihang nasuta nga nalugos kini, dinhi na niya kini gitabangan.
