BUTUAN CITY – Gikumpirma sa Philippine National Police (PNP) nga mga bukog sa tawo ang mga gisulod sa sako ug gitambog sa Taal Lake sa Talisay, Batangas.
Sigon ni PNP Chief Gen. Nicolas Torre II, kini ang resulta sa inisyal nga imbestigasyon nga gihimo sa ilang mga eksperto sa PNP.
Dugang pa ni Torre, posible usab nga adunay nasagol nga mga bukog sa hayop sa mga nakita sa maong lugar.
Sa kinatibuk-an, lima ka sako na ang narekober gikan sa Taal Lake ug kini ilang gisusi og maayo.
Gidala na kini sa forensic group aron ipa-ilalom sa cross-matching sa mga DNA samples sa mga nawawalang sabungero.
Sa pagkakaron, adunay 12 ka pamilya sa mga nawawalang sabungero ang mitugot na sa paghatag og DNA samples alang sa pag-match usab sa mga DNA samples sa mga nadiskubreng bukog.
