BUTUAN CITY – Emosyunal ang usa ka lady dispatcher sa usa ka e-jeep sa General Santos City human niya napalgan sulod sa iyang gitrabahuang sakyanan ang usa ka bag-oi pa lang natawong bata nga wala na’y kinabuhi samang gisulod sa tulo ka cellophane.
Nadiskubrehan kini ni Dianne Balado, dihang miparada na ang ilang yunit sa ilang terminal sa Brgy. San Isidro sakop sa maong siyudad human na usa ka tiguwang nga babaye ang miduol kaniya ug nagpahibalong duna’y nabilin nga kolor pula nga cellophane.
Dali niya kining gikuha aron unta i-uli sa posibleng nanag-iya niini sa pagtuong, nabilin kini nga bagahe apan dihang iya kining gi-ablihan, nisugat sa iyang panan-aw ang wala na’y kinabuhi nga bata, rason nga nangurog siya ug wala na niya masabot ang iyang gibati dayong hilak.
