BUTUAN CITY – Gihatagan ni National Police Commission (NAPOLCOM) Vice Chairperson Rafael Vicente Calinisan og grado nga 9.9 si Philippine National Police kon PNP Chief Director General Nicolas Torre III hapit usa ka buwan sa iyang kadumalahan sukad siya gitudlo isip lider sa nasudnong kapulisan niadtong Mayo 29, 2025.
Sumala ni Calinisan, ang halos perfect nga grado sa PNP Chief, tungod matud pa sa mga inisyatiba nga iyang gihimo alang sa kapulisan ug sa sa publiko, kansa nakasentro sa panginahanglanon sa publiko sa ingon matubag gayod sa iyang liderato isip hepe sa kapulisan ilabina nga gikinahanglan matud pa sa nasudnong kapulisan ang action man nga makahimo sa iyang trabaho ug katungdanan.
Ang nahabilin nga usa ka punto, magsilbi matud pang inspirasyon ni Torre sa pagtuman sa iyang mga katungdanan ug wala magpasabot nga kuwang pa sa iyang katungdanan ang hepe sa nasudnong kapolisan apan kinahanglan usab nga aduna siya’y inspirasyon sa pagbuhat sa iyang trabaho.
Si Torre ang unang gradwado sa Philippine National Police Academy nga nahimong PNP Chief, nga nagtapos sa pipila ka dekada nga paghupot sa pinakataas nga posisyon sa PNP sa mga gradwado sa Philippine Military Academy.
