BUTUAN CITY – Gipadayag sa hepe sa Central Intelligence Agency kon CIA nga grabe ang nahatud nga kadaot sa gilusad nga airstrikes sa Esados Unidos ngadto sa mga nuclear facilities sa Iran kansa nakapahunong niini og pipila ka mga tuig, sukwahi sa gi-leak nga intelligence report nga nakapasuko kang United States President Donald Trump.
Sigon ni John Ratcliffe, ang director sa spy agency sa Amerika, grabe ang pagkadaut sa mga key sites apan wala niini gipadayag kung hingpit na ba usab nga na-eliminate ang nuclear programme sa Iran.
Gipadayag kini sa CIA, usa ka adlaw human nag-leak ang preliminary assessment gikan sa Pentagon intelligence agency kansa nagbutyag nga ang dugang mga components sa nuclear programme sa Iran, nagpabiling intact human ang US bombings.
Gimintina gihapon ni Trump ang iyang baruganan nga hingpit nang napapas sa maong raid ang mga nuclear facilities sa Iran.
