BUTUAN CITY – Gitawag nga bakakon ni Senate President Pro Tempore Jinggoy Estrada si House of Representatives spokesperson Princess Abante human niini gipasanginlan nga ang Senado matud pa ang nagbasura sa sugyot-balaudnon nga ₱200.00 nga usbaw sa inadlaw nga suhulan sa mga minimum wage earners.
Kini human napakyas ang Kongreso pag-apruba sa gi-asdang nga umento sa sweldo sa mga trabahante sa pribadong sektor human nga wala kini ma-deliberate sa bicameral conference committee aron unta ma-settle ang managlahing bersyon sa Senado ug sa Kamara alang niini.
Nasayran nga ang atbang sa P200 nga gi-asdang sa Kamara, P100 lang ang sa Senado.
Sigon ni Estrada, bakakon si Abante ug taliwa sa iyang kabag-o, wala pa usab kini nag-research tungod kay ning mi-aging tuig matud pa nila napapasar ang P100 wage hike bill.
