Giaprobahan na sa ikatulo ug kataposang pagbasa sa House of Representative ang balaod nga magpalugway sa hantud unom ka tuig nga termino sa mga Barangay ug Sangguniang Kabataan kon SK Officials gikan sa kanhi tulo ka tuig.
Sa gipahigayong poll adunay 153 ka mga kongresista ang nag-aproba sa House Bill 1287. Adunay upat usab ka kongresista ang wala mingpabor ug usa usab ang ming-abstain.
Nakasulat usb sa balaod nga ang synchronized Barangay ug SK elections ipahigayon kada unom ka tuig sa ika-duhang Lunes sa Mayo sugod sa tuig 2029.
Walay mga elective barangay officials usab nga moserbisyo og kapin sa duha ka sunodsunod nga termino sa samang posisyon.
Samtang walay SK Officials ang magserbisyo sa kapin usa ka termino.
Ang maong balaudnon gimugna ni House Speaker Martin Romualdez ug pipila ka mga lider sa Kamara.
