BUTUAN CITY – Padayon ang pagsaka sa mga kaso sa Human Immunodeficiency Virus kon HIV sa Caraga Region kondiin ang kakulang sa testing maoy nakitang usa sa mga hinungdan sa padayon nga pagtaas sa mga kaso niini sa umaabot.
Sigon ni Anthony Torralba, ang Regional Program Officer sa Protect Upscale-SHIP PFSI, nga sa Marso pa lang ning tuiga, aduna nay 37 ka kumpirmadong kaso niini kansa gamay ra apan increasing records tungod kay ang Caraga Region, makatala man kada-bulan og dili mu-ubos sa 30 ka mga kaso.
Sumala pa ni Torralba, kung gani wala’y mag-test nga staff sa Protect Upscale uban sa Butuan City Health Office, Surigao City Health Office ug sa San Francisco Rural Health Unit kon RHU, gamay ra ang makita nga kaso.
Kini nga mga ahensya mao ang kasamtangang nag-una sa nagpadayon nga testing coverage sa rehiyon. Gipasabot pa ni Torralba nga kung gamay ra ang makita nga kaso sa HIV, ug kung dili ma-test ang mga angay nga ma-test, siguradong mu-abot ang panahon nga magpadayon ang hidden epidemic sa HIV sa rehiyon.
Dugang pa sa opisyal, ang usa sa mga problema karon sa pag-manage sa HIV treatment mao ang kakulangon sa personnel sa mga treatment hubs.
Dugang pa niya, kung ang pasyente magsugod og tambal, kinahanglan sundon ang prescribed schedule tungod kay kung malapas, paglapas usab kini sa prescribed treatment. Bisan pa man og magpadayon sa pakighilawas, basta magpabilin ang violence of prence, dili sila makatakod.
Tungod niini, gipakusgan ang pagpatuman sa quality assurance checks ug validation sa mga treatment hubs sa tibuok nasud, aron masiguro ang kalidad sa serbisyo ug pagsunod sa tukmang treatment protocols.
