-- ADVERTISEMENT --
BUTUAN CITY – Gipadayag ni Vice President Sara Duterte nga gitugutan sila sa International Criminal Court nga makapanumpa si kanhi Pangulong Rodrigo Duterte sulod sa detention facility isip mayor sa Davao City human midaug niadtong eleksyon.
Sigon sa Bise Presidente, giplastar na lamang sa ilang mga abogado sa ICC ug dinhi sa Pilipinas himuon ang proseso.
Gitugutan matud pa sila sa ICC og hangtud sa udto sa Hunyo 30 aron himuon ang pagpanumpa kung makuha na nila ang proclamation papers nga maoy basehan sa himuong pagpanumpa.
Wala pa gibutyag sa bise presidente ang paagi sa pagpangatungdanan sa iyang amahan tungod kay atua man kini nabilanggo sa The Hague, Netherlands.
