BUTUAN CITY – Ang Department of the Interior and Local Government kon DILG na, ang makadesisyon kung kinsa ang mohulip sa pwesto ni kanhi Pangulong Rodrigo Duterte human midaug pagka-mayor sa Davao City taliwa nga natanggong kini sa The Hague, Netherlands.
Kahibaloang naproklama si Duterte isip Mayor sa syudad niini, human niya nakuha ang landslide votes batok sa kanhi niini Cabinet Secretary nga si Karlo Nograles, apan dili gihapon kini pisikal nga makadumala sa maong syudad human na-priso sa detention facility sa International Criminal court kon ICC tungod sa gi-atubang niining kasong crime against humanity tungod sa gilusad niining war on drugs niadtong siya pa ang presidente sa Pilipinas.
Sumala ni Commission on Election spokesperson John Rex Laudianco, ang DILG na ang dunay kapasidad nga moresulba sa maong isyu tungod kay taman raman sila sa pagprokalama kung si kinsa ang midaug sa eleksyon.
