BUTUAN CITY – Simpleng lubong lang alang kang Pope Francis ang masaksihan sa tibuok kalibutan karong adlawa, isip pagsunod sa tu-gon niini, pila ka tuig na ang nakalabay.
Sigon ni Fr. Coke Darryl Prieto, sa Pontifical University of the Holy Cross sa Roma, dugay nang tugon ni Pope Francis nga kinahanglang dili bongga ug garbuso ang iyang lubong kansa pinaka-una sa modern history sa simbahang Katoliko kondiin ilubong ang Santo Papa sa gawas nga bahin sa St. Peter’s Basilica ang halos lima ka siglo.
Gawas niini, wala usa’y mga tradisyonal nga lubong tungod hangyo nang daan sa Santo Papa nga dili butangan og bisan unsa mang ornamento ang ibabaw sa iyang lubong gawas sa iya lang pangalan.
Samtang gipasabot ni Fr Prieto, nga dili matud pa pareho ang Conclave sa normal nga eleksyon tungod kay panahon matud pa kini nga mamalandong ang mga Cardinals kung si kinsa ang musunod nga pinakataas nga lider sa simbahan ug walay panglantaw sa publiko ang masagol niini.
Subay ni Fr. Prieto, imbis nga mangampanya alang kang Cardinal Tagle, kinahanglan na lang matud pa nga mag-ampo nga giyahan ang mga cardinals sa Balaang Espirito nga makapili og bag-ong Santo Papa nga haum karon sa kinabuhi sa mga katawhan ingon man sa kalibutan.
