BUTUAN CITY – Gi-ablihan na ang unang General Congregation sa mga College of Cardinals, human ang pagkamatay ni Pope Francis dungan sa ilang kanasing-kasing nga pag-ampo.
Kapin kon kulang 60 ka mga cardinals ang mitambongsa panagtigom nga gipahigayon sa Synod Hall, diin sila nanumpa, isip pagsunod sa Universi Dominici Gregis, ang dokumentong nagtakda sa mga patakaran sa panahon sa sede vacante ug sa pagpili og bag-ong Santo Papa.
Gibasa ni Cardinal Kevin Farrell, Camerlengo sa Simbahang Katoliko, ang katapusang tugnon ni Pope Francis.
Nagdesisyon usab ang mga cardinals nga isibog una ang gikatakdang beatification rites hangtud nga makalingkod na ang bag-ong Santo Papa.
Nasayrang gitakda na ang lubong ni Pope Francis sa Sabado, Abril 26, sa alas-10 sa buntag.
