BUTUAN CITY – Upat ka mga tawo ang patay human nahulog sa yuta ang usa ka mountain cable car cabin sa Mount Faito, duol sa Naples sa southern Italy, samtang laing usa ang anaa sa delikadong kahimtang ug gi-airlift na padulong ngadto sa ospital.
Sigon sa mga Italian media outlets, hapit na sa tumoy sa bukid ang cabin dihang naputol ang usa sa mga cables nga misuporta niini.
Samtang ang ikaduhang cabin nga kalinya niini apan anaa pa sa ubos sa valley, daling naluwas ang 16 ka mga tawong lulan niini.
Sigon sa presidente sa maong rehiyon nga si Vincenzo De Luca, pulos nga turista ang tanang mga biktima.
Naglisod matud pa ang kapin 50 ka mga rescuers pagsulod sa dapit nga nahitabuan tungod sa daut nga panahon, baga nga gabon kon fog, inubanan pa sa uwan ug kusog nga huros sa hangin.
