BUTUAN CITY – Wala mapugngi ni Senador Ronald ‘Bato’ de la Rosa ang iyang pagkadismaya sa wala pagtunga sa mga resource persons sa gipatawag nga pagdungog sa Senate Committee on Foreign Relations.
Sa iyang preliminary statement, gipadayag ni Senador Bato nga kung ingon niini ang mahitabo nga dili respituhon sa executive branch sa gobyerno ang legislative, muresulta matud pa kini sa constitutional crisis.
Kini tungod kay wala naman unya’y matigayong checks and balances ug wala na’y mukwestyon sa mga lakang nga ipatuman sa ehekutibo. Gipaboran usab kini ni committee chairman Senadora Imee Marcos tungod kay nasayod matud pa ang mga gipang-imbitar nga sa ila lang makuha ang saktong impormasyon. Gawas pa, dili usab hulga sa katilingban ang gusto nilang kuhaon nga mga impormasyon.
Samtang gipadayag usab ni Senador Christopher ‘Bong’ Go nga nasubo siya sa wala pagtunga sa mga resource persons ug kini tungod kay nasayod matud pa ang mga gipang-imbitar nga daghan silang nalapas nga mga balaud, ilabina sa kawala’y due process ug wala paghatag sa iyang katungod.
