BUTUAN CITY – Parehong nakabsan sa kinabuhi ang usa ka 68-anyos nga lola ug iyang 5-anyos nga apo human gipanigbas ug gimartilyo sa silingan nilang adik ning mi-aging kaadlawon samtang nangatulog sulod sa ilang panimalay sa Purok Lumboy, Brgy. Panangban, lungsod sa Compostela, Cebu.
Gi-ila ni PSMS Junrey Frias, lead investigator sa Compostela Police Station, ang mga biktima nga mao sila Evelyn Pareja Jayme, 68-anyos, biyuda ug ang 5-anyos niining apo nga si alyas Gael.
Migawas sa ilang imbestigasyon nga igo lang nakabiya sa ilang panimalay ang inahan sa bata nga si alyas Tawing dihang misulod ang gika-ingong adik nga suspetsado nga si Jayson Meca Avila, 41-anyos, dunay kapuyo kinsa duna matu pa’y personal nga kasuko sa biktimang lola.
Nasayrang angol usab sila Ruvelyn Jayme Gomez, 38-anyos, bana niining si Kelly Gomez, ug ilang 16-anyos nga anak nga si alyas Justine.
Narekober sa kapulisan ang sundang ug martilyo nga gigamit sa suspek.
