BUTUAN CITY – Gipahayag ni Palace Press Officer Usec Claire Castro nga dili tanang mga Overseas Filipino Workers kon OFW ang mosalmot sa panawagang “zero remittance week.” Kini tungod sa panawagan sa usa ka grupo nga nailang mga supporters sa kanhe Pangulong Rodrigo Duterte.
Sumala ni Castro daghang mga OFWs ang dili uyon sa nasangpit nga panawagan tungod kay magutman ang ilang pamilya nga anaa dinhe sa Pilipinas. Kung magpadala ang mga niini sa pag-awhag sa ubang mga tawo dili lang ang gobyerno ang maapektuhan kundi bisan ang ilang pamilya.
Gitumbok sa Opisyal nga dili kalaban ang gobyerno rasong dapat magka-uban tungod kay parehong mga Pilipino.
Gipahayag ni Castro nga wala silay nadawat nga taho nga dunay mga nag-awhag sa mga OFWs.
Nagpasidaan usab si Castro sa mga nag-awhag ilabina kung kini inciting to sedition tungod kay dili palabyon kini sa gobyerno.
Panawagan ni Castro sa mga OFWs nga magmat-ngon ug dili motoo sa mikaylap nga fake news.
Dili usab babagan sa gobyerno kung dili magpadala og remittance ang mga OFWs tungod kay katungpod ug choice nila kini.
Bisan paman, nanawagan ang Malakanyang sa mga OFWs nga dili motoo sa mga fake news. Wala usab nakita sa gobyerno nga makabaton og economic implications sa Pilipinas ang zero remittance protest sa mga OFW.
