BUTUAN CITY – Gihangyo ni kanhi Pangulong Rodrigo Duterte nga maka-istorya ang consular officer sa Embahada sa Pilipinas sa The Netherlands.
Sigon sa embahada, nakadawat sila og tawag gikan sa kanhi pangulo pasado alas-10:44 kagabii – oras sa Pilipinas kondiin gipa-abot ang maong hangyo.
Mihangyo usab kini sa Registry sa International Criminal Court nga muhimo unta og consular visit ug tugutan ang iyang mga abogado nga bisitahon siya apil na sa mga membro sa iyang pamilya.
Gikumpirma usab sa embahada nga naka-istorya sa kanhi pangulo si kanhi Executive Secretary Salvador Medialdea nga usa sa iyang mga abogado niya.
Una nang gikabalaka ni Medialdea nga ang kalit nga pagkahanaw sa kanhi pangulo dihang mibisita siya sa The Hague Penitentiary Institution hangtud nga gibutyag sa ICC nga mi-adto lang sila sa ospital aron mapa-check up si Duterte kinsa anaa karon sa maayong kondisyon.
