BUTUAN CITY – Nabahin karon dili lang ang Filipino community dili lang sa Netherlands kondili lakip na usab sa ubang mga nasud apil na sa Dutch community sa maong nasud, kalabot sa pagkasikop ni kanhi Pangulong Rodrigo Roa Duterte.
Sumala ni Bombo International Correspondent Patricia Enriquez, direkta gikan sa The Netherlands, dakong butang alang kanila ang balita nga anaa na sa maong nasod ang kanhi presidente. Gibutyag niini nga duna usa’y mga Pilipino sa maong nasod nga nanawagan og hustisya, dili lang ngadto kang duterte, apan lakip na usab niadtung mga biktima sa war on drugs niini.
Duna matud pay mga lanyaw nga nakighiusa usab ngadto sa mga Pilipino. Apan sumala niini nga kinahanglan gayod nga magbinantayon ang si bisan kinsa, ilabi sa mga pekeng balita nga ningdungan usab pag-gawas karong mga panahona, hangyu niini sa mga katawhan nga kinahanglang mag-basa gayod ug mag fact check adiser makisagol sa maong isyu, arun dili moliko sa kamatuoran.
Saysay pa ni Enriquez nga walay angay ikabalaka ang mga Pilipino tungod kay ni-agi man sa insaktong proseso ang pagsikop kang Duterte, gani mo-agi na usab kini sa laing tulo ka mga lakang una kini taralon, diin una, sutaon ang iyahang identity pinaagi sa initial appearance; i-briefing usab kini sa mga mosunod nga lakang; ingon man kompermahon ang mga charges niini adiser makapadayon sa pagtaral.
Nagtuo usab si Enriquez nga wala yataki ang katungod sa kanhi presidente isip tawo tungod kay giatiman man kini sa mga taga Philippine Embassy sa the Netherlands.
