BUTUAN CITY – Gikumpirma ni Fr. Gregory Ramon Gaston, rector sa Pontifico Colegio Filippino sa Rome, Italy sa eksklusibong pakighinabi sa Bombo Radyo Philippines nga nagpabiling conscious si Pope Francis bisan og anaa kini karon sa kritikal nga kondisyon tungod sa impeksyon sa duha niya ka mga baga.
Gibutyag niini nga na-diagnose na usab ang Santo Papa og kidney disease rason nga gibantayan kini og maayo sa iyang medical team sa Gemelli Hospital sa Roma.
Gikumpirma pa ni Fr Ramon nga padayon ang panawagan sa Vatican ngadto sa tanang simbahan sa tibuok kalibutan nga maggahin og oras sa pag-ampo alang sa pontiff. Gani duna na’y mga deboto Katoliko nga anaa gawas sa ospital ug nagpa-abot sa ilang pag-ampo alang sa dali nga pagka-ayo sa Santo Papa kansa nabati matud pa niini.
Samtang bisan matud pa og incapacitated karon si Pope Francis sa iyang obligasyon sa Vatican, wala matud pa’y angayang kabalak-an tungod kay duna’y in-charge niini nga maoy magsiguro nga dili mabalda ang mga kalihukan sa simbahang Katoliko samtang siya nagpa-ayo.
