BUTUAN CITY – Gihatagan og arrival honors ang pag-abot sa patay’ng lawas ni PCol Pergentino Malabed Jr., ang opisyal sa Philippine National Police kon PNP nga namatay niadtong Enero 29 karong tuiga human ang pagbangga sa usa ka military helicopter ug usa ka commercial plane sa Washington D.C.
Siya ang hepe sa PNP Supply Management Division, nga sakay sa American Eagle Flight 5342 dihang nabangga kini sa usa ka US Army helicopter duol sa Reagan Washington National Airport.
Ang maong insidente, mikalas og 67 ka kinabuhi kansa mao ang pinakaduguon nga US air disaster sa kapin duha ka dekada.
Himuon usab ang necrological mass sa multi-purpose center sa Camp Crame, isip paghatag og respeto kang Col Malabed.
Apil sa ihatag kaniya nga dawaton sa iyang pamilya ang ‘Medalya ng Katapatan sa Paglilingkod kon PNP Distinguished Service Medal ug ang Medalya ng Katangitanging Gawa’ kon PNP Achievement Medal.
