BUTUAN CITY – Hugot nga ginegar sa mga nagpasaka og kaso batuk kang House Speaker Martin Romualdez ang alegasyong ‘diversionary tactic’ lang ang giduso nila sa opisina sa Ombudsman.
Kini ang giklaro mismo ni Davao del Norte, 1st District Representative Pantaleon Alvarez human gipangutana kung nganung karun lang kini gihimo dungan sa mga isyu sa kasong impeachment ni Vice President Sara Duterte.
Pamugos pa niini nga ang pagsang-at nila sa mga kasong kriminal ug kurapsyon kang Speaker Romualdez dili aron ebalhin ang atensyon sa publiko kundi mas nauna matud pa ang maong isyu kumpara sa uban.
Pagtin-aw pa niini nga wala matud pay saktong oras o panahon mahitungod sa paghaon sa samang kaso batuk sa usa ka opisyal sa gobyerno.
Sumala usab kang Atty. Ferdinand Topacio, usa sa mga misang-at sa kaso, dugay nila kining gihuna-huna tungod kay hilabihan ka kumplikado ang giduso nilang kaso kagahapong adlawa
