-- ADVERTISEMENT --
BUTUAN CITY – Gikumpirma ni Glaiza Zambrano, weather observer IV sa Philippine Atmospheric, Geophysical and Astronomical Services Administration kon PAGASA-Butuan nga makita nato diha sa kawanangan ang planetary alignment kon paglinya sa mga planetang Venus, Saturn, Neptune, Uranus, Jupiter ug Mars.
Sa ekskusibong pakighinabi sa Bombo Radyo Butuan, gibutyag sa opisyal nga ang mga planetang makita bisan og dili na mugamit og mga high-powered binoculars mao ang Venus, Saturn, Jupiter ug Mars.
Giklaro pa niini nga natural phenomenon kini nga mahitabo sa gintang nga pila ka tuig ug wala matud pa’y angayang kabalak-an ang tanan ilabina niadtong matuo-tuuhon sa mga posibleng malas nga dala niini.
