BUTUAN CITY – Gipadayag sa Commission on Elections kon COMELEC nga mas paburan nila ang mall voting kaysa mga tradisyunal nga lugar nga botaran karung umaabot nga eleksyon.
Sumala ni COMELEC spokesperson Atty. John Rex Laudiangco, mas gusto nila ang mall voting tungod kay maminusan ang vote buying tungod sa mga CCTV ug hugot nga inpeksyon nga himuon sa mga gwardiya sa pagsulod pa lang sa mall lakip rason nga wala’y matigayong pagpanghadlok. Alayon niini gibutyag sa opisyal nga mas mapadali ang mahimong proseso sa pagbotar sa usa ka indibidwal.
Samtang sa gihimong tigum usab sa Kapisanan ng mga Brodkaster ng Pilipinas kon KBP, gihangyu ni Laudiangco ang pakig-alayon aron mapakita sa publiko ang paagi aron mahimong responsable sa pagbotar sa umaabot nga election.
