BUTUAN CITY – Ningpatim-aw sa korte sa Sydney ang Australianang giangkon nga anak matud pa siya ni kanhi Presidente Ferdianand Marcos Sr., ug nga half-sister matud pa niini si PBBM, tungod sa gipasakang kaso batok niini human naghinubog taliwala sa flight. Sa pagpatim-aw niini sa Korte, gisaad sa babaye nga dili nausab siya maginom-inom pa sa bisan asang airport o bisan sulod man sa airplane.
Unang giakusahan si Analisa Josefa Corr nga nang harrass matud pa sa mga kaubanan niining pasahero gawas sa pansayan sa gisakyan niining abyon human matud pa sila nag-inom sa iyahang bana nga si James Alexander Corr, diin sila nangahubog. Tungod niini, gidala gilayon ang duha sa pinaka duol nga police station sa Sydney pagka-landing sa gisakyan nilang abyon.
Sumala ni Analisa Corr, 53 anyos, nga anak matud pa siya ni kanhi Philippine President Ferdinand Marcos Sr. rason nga half-sister matud pa siya ni Presidente Ferdinand Marcos Jr.
Naila ang inahan ni Corr nga si Evelin Hegyesi, usa ka Australian model, nga sumala pa nahimong kakirida ni Marcos Sr. niadtung 1970s dihang kini19 years old pa lamang.
Taliwala nga nasayod na si PBBM sa isyu sa maong babaye, wala usba niini giangkon o gilimod ang claim ni Analisa, apan igo lamang niini gibutyag nga daan na matud pa niyang nadungog ang maong isyu, 20 ka tuig na ang nakalabay.
Sayrang giuli ra sa magtiayon ang ilahang pasaporte sa Downing Center Local Court pinaagi ni Deputy Chief Magistrate Michael Antrum niadtung Biyernes, pinaagi sa saad nga dili na sila mo inom sa bisan unsang mga abyon sa mga Australian international o domestic airport departure halls.
Gi deposit usab nila ang 20,000 Australian dollars kon 780-mil pesos sa korte, ug mamahimo kining madimol ugaling ilang pakyason ang nasangpit nga saad.
Sumala sa abogado niining si Jasmina Ceic, nga kinahanglan sa duha ang ilahang pasaporte arun makabyahe sa laing nasod, ilabi na nga sa kasamtangan, duna matud pa kini proyekto sa Indonesia.
Nag plead guilty sa tanang kaso nga gipasaka batok kanila, ug laumang taralon pa kini karong Feb. 24.
Gipublisar ni Analisa ang claim niiini niadtung 2011 pinaagi sa Australian news outlets, sumala niini nga gitangtang matud pa siya sa giapilan niini kaniadtun nga reality show nga The Renovators human niya gi butyag nga anak siya sa kanhi dektador sa Pilipinas.
