BUTUAN CITY – Misaka na sa 10 katao ang namatay sa nagpadayon nga halapad nga wildfires sa Los Angeles, California, USA.
Tungod niini, nagpasidaan ang mga awtoridad nga mamahimong mas taas pa ang death toll karung nagpadayon pa ang pagpangeta sa mga responder sa mga grabeng apektado nga lugar.
Gihimo ang nasangpit nga pahimangno dungan sa pagsugod sa mga bumbero sa pagsuhid sa mga lugar nga nakatala og halapad nga wildfires kadaghanan sa Palisades Fire nga nakaapekto sa Pacific Palisades area sa Los Angeles ug ang miulbo nga Eaton fire nga nakaapekto usab sa Pasadena.
Alayon niini kapin 10-mil ka estruktura ang nadamyos. Ang Palisades fire ang gikonsidera karun nga pinakamalaking wildfire nga natala sa tibook kasaysayan sa Los Angeles, California.
Ang nahitabong wildfire sa Los Angeles gitoohang tungod sa Santa Ana winds nga extreme og dry winds nga kasagaran mahitabo sa mas bugnaw ang panahon o winter months.
